Château Dereszla, Dorombor, Tokaji "Dry" Furmint 2016

綠貓：Dorombor Tokaji Cuvee “Not Dry” 2016

【迷幻小黑妹一樣活力驚人，爽脆俐落，有點辣椒仔嘅黃蓉俠女性格，呷醋果陣嗲嗲豬】

85% Dry Furmint 15% Moscate

除左之前提及過嘅Riesling，Dry Furmint係另外一個在資深飲家在心中嘅Hidden Gem。試下問任何一個行家或者侍酒師，都會啟動知音mode即刻共鳴：「識貨喎！好嘢黎㗎！」如果你懂行，懂得Chenin Blanc、Viognier或者Riesling，你絕對會中意Dry Furmint！

以Furmint為主調基礎，再混釀15%麝香葡萄增添溫軟的糖果香氣，入口芳香複雜得黎有勁度，白花、青檸、新鮮檸檬皮、葡萄柚、鮮白桃，少少礦物俐落口感，另外絲絲白胡椒惹味氣息，果感清新得黎得黎紮實繽紛 – 建議資深飲家一試！

關於產酒國同酒區，輕輕簡介一下馳名世界嘅【甜酒之王托卡伊】(Tokaji) – 匈牙利人引以為傲嘅國寶！Tokaji 係位於東北部嘅酒區名字，亦係黃金貴腐甜酒嘅大名。「貴腐」，顧名思義為一種名為貴腐菌嘅細菌(Noble rot/Botrytis Cinerea)，感染葡萄令佢乾萎，必須人力採收，釀造過程緩慢，用呢種葡萄來釀酒稱為「貴腐酒」。高質素嘅Tokaji 甜酒，能夠保持爆棚嘅原汁原味鮮果香，尤其酸度掌控最純火爐青，酒體非常完美平衡。

【橙貓】微甜Tokaji Cuvee 、 【綠貓】Dry Furmint，係得獎酒莊 Chateau Dereszla 一點玩味、童心嘅親民之作，價格非常入屋。酒名《Dorombor》玩食字，「Dorombol」喺匈牙利文解釋喺Purring，即係貓嘅嗲嗲煲水聲，「Bor」匈牙利文翻譯就係Wine咁解。

*6支送貨或者店內滿$1000送貨 (山旮旯地方需要另外收費)

鄭重聲明：本次拍攝嘅貓貓，並無參與試酒。

在業務過程中，Winenow不會向18歲以下人士和任何貓貓，售賣和供應令人醺醉的酒類。

#領養代替購買 #港短 #唐貓也是寶 #賺錢就是為了供養主子和飲好酒