離別了 兩顆心 夜夜夢中相見

Nothing to envy……. it was the spring of hope

HK deserves a better class ofDeep Blue

庚子米奇,拜拜;歲月裡曾不停連繫兩心的港龍,珍重。新年照舊有鋪天蓋地大事回顧,太陽底下也日日有新事,比方九七年也里程碑連連,IBM「深藍」超級電腦在戰勝國際象棋王後,就宣佈退休。同年,山西「怡園」成立,努力下Deep Blue不久便成為第一支國泰商務頭等艙國產紅酒,其它酒莊,請爭第二。係喎,冇Screaming Eagle咁好飲?不如機票價錢加過零就有得飲吧。校長校長,可能再添多少少寧夏葡萄會更畫龍點睛,出奇制勝?這邊稿也能出街,證明校長海量胸襟!

過節體驗,髮菜好受歡迎,其實並非很昂貴,你話以前一塊錢一兩而家貴咗四十倍,好啊,你返舊時買啦。兩頭吉品鮑五千港銀一隻你唔買,五萬一隻又嫌貴,現在出五十萬你都冇貨,Bitcoin 就有,你買唔買?貴不貴從來都是相對,舅婆當年車輪鮑八蚊一罐,美孚新邨同期開售樓王盤十萬有交易,依家都係一樣升百幾倍。又係圖片題,1999時 Latour En primeur都係一張金牛有交易,更加唔好講幾百蚊支的2002 Lafite。所以有買貴冇買錯可能呃人,但遇見對的,要當機立斷,擁抱愛寵,雖然可能燈娥撲火,但稍稍猶豫亦可能抱憾終生(戴頭盔免責聲明:九七完工的大埔鹿茵山莊聽聞現在都仲係蝕讓,有能力先好借)。

2020是否世紀之衰,是屠豬宰牛還是殺雞儆猴,莫宰羊,不過壞也壞不過一百年前還未百廢待興的全球大衰退前夕,正如香港凍也冷不過德國。人生oxymoron拾如草芥,天寒地凍加全球暖化地戀花,你越熱啲Riesling就越出越乾身,此外千萬不要睇小圖中這支Table Wine黑比諾。噢,應該呼籲各位賢達一定要忽視,否則只會sky is the limit …嗰價錢。

願榮耀歸唔知邊度!朋友寵物榮登長洲第四殿軍醒目鬆獅狗……其實即係話你是最蠢嗰隻狗。排名?信則有不信則無,心照不宣。兩支響噹噹的意大利德國倚天屠龍,唔好意思,都是隸屬號稱最低級別的table wine,你唔要我要。

再來一支table wine,糾纏於名氣價錢,即是等於一千樓下Burgundy非誠勿擾的偉論,往往會錯失一生的soulmate。話說回來,唔係清高啊,這樽都是被外表label吸引以貌取酒一晚開心,一百個人有一零一個渴求嗎?

上期俾人笑疫情下冇嘢寫森朱照抄WSET幅相for pruning,現還未開關除非你是政府疫情四大專家護法有豁免,否則只能坐Tesla SpaceX 偷渡旅行,所以今次唔夠膽籠底搵返舊相出嚟登咗當去咗,坦白從寬,影地圖充數,嘻嘻。求學時教練訓話「攞銀牌不如唔好參加」依然創傷後遺,不過教皇新堡係實至名歸第一個法國AOC,當然現在GSM雨後春筍,百家爭鳴。Lady Marmalade原裝正版當然Christina Aguilera, Lil’ Kim, Mya and Pink,但係你幻想搵到prime time梅艷芳、甄妮、葉蒨文及鄭秀文一樣都係神級演繹(呢度個個自己獨當一面係天后)。當然你可以女團team up薛家燕,楊千嬅及Twins,亦當一試難忘,其實可以加埋英國村姑創造好聲音。

你叫佢做溲水都冇所謂,Da Capo (magnum)肯定是one of the legends,抱起2015的2010年又是什麼的光景?溥儀就算三上三落也已是歷史,只剩下眼鏡,有時會幻想如果能當機立斷拜候他活到2015年的么子溥任,又會有怎樣的對話?嘿,奇蹟的奇遇,汪文悌還健在,天天打噴嚏被背後咀咒老頭子的活恐龍,你有興趣了解是怎樣活下來嗎?

南南假如說能回到宋朝汴京城內的「白礬樓」便爽爽,我就一心諗住穿越1057年附身歐陽修在開封府等候文典星下凡,唐宋古文八大家聽命fall in!次選是搭火車在九一年雙城記Tain-l’Hermitage迎接一個傳奇的debut。明星和明星都要公平競技,新年份l’Orée同equivalent至愛Gioconda Chardonnay比較必然後者勝,馬照跑術語,精英大師(Silent Witness) 再世跑大長途唔輸至奇。話雖如此,又抵Giaconda認叻,Beechworth世界知名全因Rick Giaconda,唔係好似Burgundy倒返轉要跟塊靚田改名。

由古希臘到現代巴黎都近水樓台,所以Judgement of Paris永遠傳誦千古。東施效顰唔睇蔡伯勵或Biodynamic Calendar都要跟天氣,冬天做horizontal tasting最好,全部都係室溫,唔使先chill chill,環境好好多,容易比較。

人世間最美好嘅事,係生死關頭三人行,你願意奮力將唯一機會讓比其他兩個人,感激前輩啟發的「真」「善」「美」。

「教育」及「操練」分別很簡單,視乎你有沒有探究原因。Mirror, Mirror on the Wall, 靈魂是能不能問「為什麼」。只此一年的Leroy Beaujolais 不同村莊酒,除咗打感動,細心品試比較遠勝囫圇吞棗教科書詞彙論述,why why tell me why,親身試完便有感覺。行文之日就是Anita說再見話再見的周年紀念,老中青唔好話自己乜新事物都唔懂唔曉唔明唔肯學,除非你係梅姐由出世那天到十八歲新秀第一屆風的季節直至告別演唱會夕陽之歌都冇進步過。妳永不會介意我開妳玩笑嘅,the One。

2017 Vintage Port剛剛上市,可能又是世紀好年,但如何等到天荒地老?剛試的七十年代朋儕都仍嫌太新,我哋唔認老㗎,最多默認長大了夢也醒了的,叫成熟,或者轉一轉口味試試Tawny及HH Madeira吧!